Gwaith Copr
Sygyn

�

Cyflwyniad

Mae olion mwyngloddio yn frith yn Eryri lle'r oedd y dyffrynnoedd dyfnion a'r brigiadau creigiog yn annog cloddio am fwynau a lle'r oedd digon o bwer i yrru'r peiriannau prosesu trwy gyfrwng olwynion dwr. Yma gwelir olion siafftiau lu, twneli, olwynion dwr ac adfeilion adeiladau. Dyddiwyd rhai o'r gweithfeydd i gyfnod y Rhufeiniaid ond yn yr 16eg ganrif a'r cyfnodau a ddilynodd y mae gwreiddiau llawer o'r lleill.

Mae mwynglawdd Sygyn filltir o bentref Beddgelert yng nghwm bendigedig Gwynant yng nghanol Parc Cenedlaethol Eryri. Rhed y mwyngloddiau i fyny ochr y mynydd uwchben Llyn Dinas, i Lyndu, ac oddi yno ceir golygfa fendigedig ar draws i ochr ddeheuol yr Wyddfa. Mae'n nodweddiadol o fwynglawdd metelog ac fe'i hadnewyddwyd a'i ddiogelu fel bod ymwelwyr yn gallu chwilio'r gweithfeydd dan ddaear yn gwbl ddiogel. Bellach mae arweinwyr yn tywys ymwelwyr trwy'r hen weithfeydd i weld gwythiennau o fwyn copr a siambrau mawr yn cynnwys stalactitau a stalagmitau gwych yn lliwiau cyfoethog yr ocsid haearn a gludwyd gan y dwr a dreiddia trwy'r creigiau. Mae sylwebaeth ar gael yn Gymraeg, Saesneg, Ffrangeg ac Almaeneg ac mae goleuadau arbennig yn cyfrannu at y cipolwg realistig a geir o'r gorffennol. Mae'r llwybr yn codi bron 45 metr trwy gyfrwng grisiau, twneli troellog ac ogof�u lliwgar i ddod i'r wyneb yn lefel Victoria lle ceir golygfa a fydd yn mynd �'ch gwynt o Ddyffryn Gwynant a'r 'Wyddfa a'i chriw'. Mae llwybrau hyfryd ac arnynt arwyddion clir ar hyd ochr yr afon i fyny at y llyn, Llyn Dinas, ac i lawr i Feddgelert.