Mwngloddiau Aur Dolau Cothi

Cyflwyniad

Dyma’r unig fwynglawdd aur Rhufeinig ym Mhrydain a’r unig gyfle i weld peth o’r etifeddiaeth fwyngloddio aur a gollwyd yng Nghymru. Mae’r mwynglawdd, sydd bellach yn eiddo i’r Ymddiriedolaeth Genedlaethol, o fewn ystad fryniog hardd, lle mae’r barcud coch prin yn ffynnu. I fynd i mewn i Fwngloddiau Aur Dolau Cothi byddwch yn mynd trwy ganolfan arddangos sy’n rhoi’r holl wybodaeth angenrheidiol am hanes y gloddfa a’r pethau y gallwch eu gweld yno. Mae teithiau tywys ar gael i mewn i ddau o’r gweithiau ac mae taith hunan-dywys hefyd o’r enw ‘Llwybr y Mwynwyr’, sy’n cymryd tua 45 munud, o gwmpas y prif bethau diddorol. Yna gallwch roi cynnig ar chwilio am aur!